ՁԵՐ ՈՒՂԵԿԻՑԸ ՀԱՅԱՍՏԱՆԻ ԲԻԶՆԵՍ ՏԻՐՈՒՅԹՈՒՄ

Բարի գալուստ «Էնթերփրայզ Արմենիա»

Մեր առաքելությունն է օտարերկրյա և տեղացի ներդրողների համար ապահովել գործարարությամբ զբաղվելու բարենպաստ միջավայր՝ դիրքավորելով Հայաստանը որպես ցանկալի ներդրումային ուղղություն համաշխարհային հարթակում: Մեր նպատակն է ներգրավել օտարերկրյա նոր ուղղակի ներդրումներ և խթանել վերաներդրումները՝ ապահովելով Հայաստանի կայուն տնտեսական աճն ու բարգավաճումը:

Ներդրումային ուղղությունը՝ Հայաստան

Ունենալով Եվրոպան և Ասիան կամրջող աշխարհագրական դիրք՝ Հայաստանի տնտեսությունը վերջին տարիներին արձանագրել է կայուն զարգացման դինամիկա: 2022 թվականին Հայաստանը գրանցել է ՀՆԱ 12.6% աճ՝ դառնալով աշխարհում ամենաարագ զարգացող տնտեսություն ունեցող երկրներից մեկը:

Ներդրումային հնարավորություններ

Վերջին տարիների տնտեսական դիվերսիֆիկացիան, նորարարական մոտեցումները և կառուցվածքային բարեփոխումները շարունակաբար նպաստում են Հայաստանի տնտեսության տարբեր ճյուղերի կայուն զարգացմանը։ Այսօր Հայաստանում օտարերկրյա և տեղացի ներդրողների համար ստեղծված են բազմաթիվ հնարավորություններ տեղեկատվական տեխնոլոգիաների, զբոսաշրջության, գյուղատնտեսության, արտադրության և այլ ոլորտներում ներդրումներ կատարելու համար։

Կարծիքներ

Անկախությունից ի վեր «Կոկա-Կոլա»-ն եղել է Հայաստանում առաջին օտարերկրյա ներդրողներից մեկը։ Այստեղ մեր 25 տարվա ներկայությամբ մենք փաստում ենք, որ բարձր որակավորում ունեցող և փորձառու ներուժը երկրի կարևոր արժեքներից մեկն է: Որպես զարգացող շուկա՝ Հայաստանը լայն հնարավորություններ է ընձեռում խոշոր ընկերությունների համար։ Բացի այդ, մշակութային առանձնահատկությունները և միջանձնային հաղորդակցության բարձր մակարդակը նախադրյալներ են ստեղծում արդյունավետ առևտրի համար։

ԱՐԹՈՒՐ ՍԱՀԱԿՅԱՆ, «ԿՈԿԱ-ԿՈԼԱ ՀԵԼԼԵՆԻԿ ԲՈԹԼԻՆԳ ՔԱՄՓՆԻ ԱՐՄԵՆԻԱ»-Ի ՂԵԿԱՎԱՐ

Coca-Cola-Investor-Testimonial-m

«Սինոփսիս»-ն էլեկտրոնային դիզայնի ավտոմատացման և կիսահաղորդչային մտավոր սեփականության ոլորտում համաշխարհային առաջատարն է: «Սինոփսիս»-ը հայաստանյան շուկա մուտք գործեց 2004 թվականին՝ հենվելով շուկայում նոր մասնագետների առկայության և միկրոէլեկտրոնիկայի ոլորտում լավ պահպանված ավանդույթների վրա: Ներկայումս Հայաստանի տեխնիկական բուհերի հետ համագործակցության արդյունքում, ընկերությունն ունի շուրջ 1000 աշխատակից և 300 ուսանող։ Ընկերության ղեկավարությունը բարձր է գնահատում հայկական թիմի պրոֆեսիոնալիզմը, ինչի շնորհիվ լուծում են ստանում նույնիսկ ամենադժվար ինժեներական խնդիրները:

ՀՈՎԻԿ ՄՈՒՍԱՅԵԼՅԱՆ, «ՍԻՆՈՓՍԻՍ ԱՐՄԵՆԻԱ»-Ի ՏՆՕՐԵՆ

Synopsis_Final-Investor-Testimon

Being one of the first Armenian companies which joined a big international family of Pernod Ricard, Yerevan Brandy Company proved that international investments accompanied with strong professionalism and dedication of the local team will inevitably bring to success. As a country with exceptional vine and spirit heritage as well as a mastery refined by ages, Armenia becomes a great platform for diverse business opportunities, and a perfect trigger to think out of box.

SERGE KHACHATRYAN, CHIEF OPERATING OFFICER, YEREVAN BRANDY COMPANY

updated photo

Ունենալով ստորերկրյա ջրային առատ ռեսուրսներ և լեռներից հոսող մաքուր խմելու ջուր՝ Հայաստանը հսկայական ներուժ ունի համաշխարհային ջրային արդյունաբերության մեջ իր ուրույն տեղն ունենալու համար: Ջրի որակի և արտադրության ամենաբարձր չափանիշների շնորհիվ «Rare Water»-ը կարճ ժամանակում դարձավ սիրելի ապրանքանիշ Հայաստանում և նրա սահմաններից դուրս: Հատկանշական է նաև, որ պետական կառույցների հետ արդյունավետ համագործակցությունը և ներդրողների համար բարենպաստ միջավայրը օտարերկրյա ներդրողի համար ավելի ամուր հիմք են ստեղծում Հայաստանում արդյունավետ և շահութաբեր բիզնես վարելու համար:

ՄՈՀԱՄԵԴ ՄՈՒՍԱԼԼԱՄ, «ԷՅ ԸՆԴ ԷՄ ՌԵՅՐ» ՍՊԸ ՏՆՕՐԵՆՆԵՐԻ ԽՈՐՀՐԴԻ ՆԱԽԱԳԱՀ

Rare-Water_Investor-Testimonial-

Լինելով գլոբալ ընկերություն, որը տեխնոլոգիական խոշոր ձեռքբերումների միջոցով ոլորտում նշաձող է սահմանում՝ մենք Հայաստանում տեսնում ենք հսկայական ներուժ մեր ապագա զարգացման ծրագրերի համար: Տեղի մարդկային կապիտալը, տեխնիկական մեծ ներուժը և կառավարության կայուն աջակցությունը Հայաստանի տեխնոլոգիական էկոհամակարգի էական շարժիչ ուժն են: 2019 թվականին մեր երևանյան գրասենյակը իր գործունեությունը սկսել է տասնմեկ աշխատակիցներով, իսկ այժմ «AMD»-ն ունի 90 հոգանոց թիմ և մենք ցանկանում ենք ավելի ընդլայնել մեր ներկայությունը Հայաստանում: Կարծում եմ, որ տվյալ աճի դինամիկան ինքնին խոսուն է:

ԱՄԻՏ ԳՈՒՊՏԱ, «AMD»-Ի ԿՈՐՊՈՐԱՏԻՎ ՓՈԽՆԱԽԱԳԱՀ

AMD_Investor-Testimonial-min-1

Տեքստիլ արդյունաբերության ոլորտում շուրջ հինգ տասնամյակների պատմություն և ավանդույթ ունեցող մեր ընկերության ձեռքբերումները մեզ հնարավորություն են տալիս Մերձավոր Արևելքում և Պարսից Ծոցի ավազանի երկրներում մեր սեփական նշաձողը սահմանել: Մեր ապագա զարգացման ծրագրերի ռեալիզացման համար որպես ներդրումային ուղղություն ենք ընտրել Հայաստանը: Երկիրը ԵԱՏՄ անդամ է և հասանելիություն ունի միության 1,7 տրիլիոն ԱՄՆ դոլար ՀՆԱ-ով 184 միլիոն սպառողների շուկային։ Մենք նաև հավատացած ենք, որ հաջողության հիմքում ընկած ամենակարևոր գործոնը մարդիկ են՝ մրցունակ ու փորձառու կադրերը: Մեզ համար դա «ինչո՞ւ ընտրել Հայաստանը» հարցի առանցքային պատասխաններից մեկն է։

ՓԻԹԵՐ ՆԱԶԱՐՅԱՆ, «ԱՆԻՏԵՔՍ ՀՈՈՒՄ ԸՆԴ ՀՈԹԵԼ ՏԵՔՍՏԻԼ»-Ի ԳԼԽԱՎՈՐ ՏՆՕՐԵՆ

Anitex_Investor-Testimonial-min

Հայաստանում ինժեներական ներուժն աշխատանքի որակի բարձր չափանիշներ է սահմանում և միաժամանակ ծախսարդյունավետ է: Մենք ուրախ ենք գործունեություն ծավալել մի երկրում, որտեղ մեր արտադրանքի 70%-ն արտահանվում է և համապատասխանում է որակի միջազգային ամենաբարձր պահանջներին:

ԿԱՐԵՆ ԱՍՐՅԱՆ, «ԼԱ ՍՈԼԱՐ ԱՐՄԵՆԻԱ»-Ի ՏՆՕՐԵՆ

LA-Solar-Investor-Testimonial-mi

2015 թ․ Հայաստանում մեր մասնաճյուղը բացելուց հետո մենք ունեցել ենք թե՛ հաջողություններ, թե՛ ձախողումներ: Այժմ մենք տեսնում ենք բիոտեխնոլոգիայի ոլորտում 7 տարիների մեր ներդրումների արդյունքը՝ որակյալ մասնագետների տեսքով։ Մենք, որպես համաշխարհային պայմանագրային հետազոտական կազմակերպություն, մեր առաքելությունն ենք համարում Հայաստանում նոր աշխատատեղերի ստեղծումը և մասնագիտական ռեսուրսի զարգացումը: Անցնող 7 տարիների ընթացքում «Քլինչոյս»-ը Հայաստանում կրթել և վերապատրաստել է ավելի քան 450 մասնագետ։ Մենք շարունակելու ենք վերաներդրումներ իրականացնել այստեղ և նպաստել Հայաստանի տնտեսության աճին, քանի որ մեր ռազմավարության բաղկացուցիչ մասն է աջակցել տարածաշրջանային տնտեսությունների զարգացմանը:

ԿԻՐԻՏ ՎԵԼԱՆԻ, «ՔԼԻՆՉՈՅՍ»-Ի ՏՆՕՐԵՆ

ClinChoice_Investor-Testimonial-

Մեր բիզնեսում սկզբունքային են մարդկային արժեքները, և հենց դրա շնորհիվ է, որ մեզ համար Հայաստանը կատարյալ միջավայր է գործունեություն ծավալելու համար: ՏՏ տարբեր ենթաոլորտներում իրականացվող կրթական ծրագրերը, ոլորտի զարգացման դինամիկան և հայաստանյան գրասենյակի կառավարումն արդյունավետ կերպով իրականացնող վստահելի գործընկերը վճռորոշ դեր են խաղում Հայաստանում մեր ընդլայնման գործում:

ԱՐՍԵՆ ԲԱՂԴԱՍԱՐՅԱՆ, «ԴԱՏԱԱՐՏ»-Ի ՀԱՅԱՍՏԱՆԻ ԵՎ ՎՐԱՍՏԱՆԻ ԲԻԶՆԵՍ ԿԼԱՍՏԵՐԻ ՂԵԿԱՎԱՐ

DataArt_Fianl-Investor-Testimoni

2014 թ․-ից ի վեր մենք կիսվում ենք մեր փորձով և գիտելիքով՝ Հայաստանում մարդկային ներուժը հզորացնելու և տեղական համայնքի զարգացմանը նպաստելու համար: Հայաստանն ունի հսկայական ներուժ արագ զարգացող ՏՏ կենտրոն դառնալու և բարձր որակավորում ունեցող մասնագետներ ներգրավելու համար: «ԷՊԱՄ»-ը գործունեություն է ծավալում աշխարհի ավելի քան 40 երկրներում՝ օգնելով «Forbes Global 2000» ցուցակի մեր հաճախորդներին արդյունավետ գործել թվային վերափոխման այս ժամանակաշրջանում: Մենք հպարտ ենք, որ Հայաստանից ավելի քան 600 ինժեներ-փորձագետներ իրենց ազդեցությունն ունեն այս աշխատանքներում:

ԲԵՆՅԱՄԻՆ ԳՅՈՒՐՋՅԱՆ, «ԷՊԱՄ ԱՐՄԵՆԻԱ»-Ի ՏՆՕՐԵՆ

EPAM_Investor-Testimonial_19

«Տաշիր» ընկերությունների խումբը Հայաստանն ընտրել է որպես ներդրումային ուղղություն, քանի որ մեզ համար առանցքային է Հայաստանի սոցիալ-տնտեսական զարգացմանը նպաստելու ձգտումը: Սակայն ներդրումային ուղղությունն ընտրելիս մեզ համար պակաս կարևոր չեն եղել տեղի նախաձեռնող և մրցունակ աշխատուժը, որը չի վախենում նոր մարտահրավերներից և դժվարություններից, պետական կառավարման համակարգը, որը բաց է ներդրողների համարձակ գաղափարների համար, դինամիկ բանկային համակարգը և, որ ամենակարևորն է, կայուն ազգային արժույթը (ամենակայունը հետխորհրդային երկրների շարքում): Հուսով ենք, որ մեր հաջողության պատմությունը կխրախուսի մյուս ներդրողներին շահութաբեր ներդրումներ կատարել Հայաստանում:

ՆԱՐԵԿ ԿԱՐԱՊԵՏՅԱՆ, «ՏԱՇԻՐ» ԸՆԿԵՐՈՒԹՅՈՒՆՆԵՐԻ ԽՄԲԻ ՓՈԽՆԱԽԱԳԱՀ

Tashir-Group-of-Companies_Invest

Լինելով հաճախորդների աջակցման ոլորտում աշխարհի առաջատարներից՝ «Մեյջորել»-ը տրամադրում է շուրջօրյա բարձրակարգ ծառայություններ իր հաճախորդներին: Հայաստանից գործունեություն ծավալելը մեզ հնարավորություն է ընձեռում աշխատել բազմալեզու կրթությամբ ծախսարդյունավետ աշխատուժի հետ, որն արագ ընկալում է հաճախորդների կարիքները և ցուցաբերում շոշափելի արդյունքներ: Մեր առաջընթացի գրավականը մեր թիմակիցներն են, որոնք մեզ օգնում են նոր հաջողություններ գրանցել առկա նորարարական միջավայրում:

ԳԱՐԻ ԱՂԱԲԵԿՅԱՆ, «ՄԵՅՋՈՐԵԼ»-Ի ՀԱՅԱՍՏԱՆՅԱՆ ՄԱՍՆԱՃՅՈՒՂԻ ՏՆՕՐԵՆ

Majorel-Armenia_Investor-Testimo

Մեր ծառայությունների շրջանակը

Եթե հետաքրքրված եք Հայաստանում բիզնես գործունեություն ծավալելով, ապա մենք պատրաստ ենք տրամադրել այն ուղղորդումն ու աջակցությունը, որն անհրաժեշտ է հաջողելու համար: Մեր թիմը տրամադրում է.

01

Տեղեկատվություն և խորհրդատվություն

Մենք պատրաստ ենք ձեզ տրամադրել ՀՀ տնտեսության զարգացման ներուժ ունեցող ոլորտների, շուկայի միտումների և ներդրումային հնարավորությունների մասին համապարփակ և հուսալի տեղեկատվություն, ինչը կօգնի ձեզ ավելի լավ պատկերացում կազմել Հայաստանում առկա բիզնես հնարավորությունների մասին:

02

Համակարգում և աջակցություն

Մենք կօգնենք ձեզ կապ հաստատել Հայաստանում համապատասխան գործընկերների, այդ թվում՝ պետական հաստատությունների, ոլորտի փորձագետների, տեղի բիզնես շրջանակների և մասնագիտական ծառայություններ մատուցող կառույցների հետ: Փոխադարձ կապերի ապահովումը կարող է օգնել ձեզ ճիշտ կողմնորոշվել տեղական բիզնես միջավայրում և հաստատել արդյունավետ գործընկերային կապեր:

03

Կամրջում

Մենք կաջակցենք ձեզ Հայաստանում համապատասխան ներդրումային հնարավորություններ բացահայտելու հարցում: Հաշվի առնելով ձեր առաջնահերթությունները՝ մենք կապ կապահովենք ձեր նախընտրություններին համապատասխանող նախագծերի և բիզնեսների հետ: Մեր նպատակն է կամրջել ներդրողների և ճիշտ հնարավորությունների միջև առկա բացը:

04

Հետներդրումային սպասարկում

Մենք կշարունակենք մշտադիտարկել Հայաստանում գործող ձեր ներդրումային ծրագրերը՝ պարբերաբար տեղեկացնելով շուկայի միտումների, կարգավորումների փոփոխությունների և ոլորտի զարգացումների մասին: Մեր թիմը մշտական կապի մեջ կմնա ձեզ հետ՝ լուծելու ցանկացած խնդիր, որը կարող է առաջանալ ներդրումային ծրագրի իրականացման ընթացքում և կառաջարկի լուծումներ՝ ձեր ներդրումային ծրագրերի շարունակական հաջողությունն ապահովելու նպատակով:

Բացահայտեք Հայաստանում ներդրումային հնարավորությունները վստահելի գործընկերոջ աջակցությամբ:

Ամրագրեք առցանց հանդիպում

Աշխարհահռչակ բրենդներ, որոնք ընտրել են Հայաստանը

Untitled-1-04
Untitled-1-41
Untitled-1-01
jpeg-optimizer_Untitled-1-27
555-15
jpeg-optimizer_Untitled-1-21
5558-16
Untitled-1-10
Untitled-12-18
jpeg-optimizer_Untitled-1-22
Untitled-1-09
Untitled-1-45
Untitled-1-47
Untitled-1-11
Untitled-1-40
Untitled-1-46
jpeg-optimizer_Untitled-1-20
jpeg-optimizer_Untitled-1-14
Untitled-1-02
Untitled-1-50
jpeg-optimizer_Untitled-1-28
jpeg-optimizer_Untitled-1-07
Untitled-1-13
Untitled-1-48
Untitled-1-25
jpeg-optimizer_Untitled-1-24
jpeg-optimizer_Untitled-1-34
Untitled-1-06
jpeg-optimizer_Untitled-1-17
Untitled-1-37
Untitled-51
Untitled-1-03
Untitled-1-26
jpeg-optimizer_Untitled-1-31
Untitled-1-29
Untitled-1-39
Untitled-1-43
Untitled-1-23
Untitled-1-49
Untitled-1-19
jpeg-optimizer_Untitled-1-08
Untitled-1-12
Untitled-1-44
jpeg-optimizer_Untitled-1-05
jpeg-optimizer_Untitled-1-36
Untitled-1-32
Untitled-1-42
Untitled-1-38