Պետական աջակցության ծրագրեր

Ենթակառուցվածքներ՝ ներդրումների դիմաց

Ծրագրի նպատակն է մասնավոր հատվածի ներդրումների խրախուսումը, ներդրումային առավել բարենպաստ միջավայրի և պայմանների ստեղծումը։ Աջակցությունը տրամադրվում է ենթակառուցվածքների տեսքով, և մինչև 500 մլն դրամի ներդրումների համար հասանելի է 10% աջակցություն, իսկ եթե ներդրումը գերազանցում է 500 մլն դրամը, ապա աջակցությունը տրամադրվում է 20%-ի չափով:

Բարձր որակավորում ունեցող մասնագետների ներգրավում

Ծրագրով նախատեսվում է բարձր որակավորում ունեցող օտարերկրյա մասնագետների ներգրավման դեպքում վերջիններիս վճարվող աշխատավարձերի 20-70% փոխհատուցում։ Բարձր տոկոսի փոխհատուցում տրամադրվում է այն մասնագետների դեպքում, որոնք ունեն դոկտորական կոչում և զուգահեռաբար դասավանդում են հայաստանյան բուհերում։

Տնտեսական արդիականացման ծրագիր

Ծրագրով տնտեսվարողներին տրամադրվում են մատչելի ֆինանսական միջոցներ՝ արտադրական կարողություններն արդիականացնելու և կազմակերպության արտադրողականությունը բարձրացնելու նպատակով։ Օժանդակությունը տրամադրվում է նպատակային ոլորտներում գործունեություն իրականացնող տնտեսվարողների կողմից նոր սարքավորումների ձեռքբերման նպատակով գործընկեր ֆինանսական կառույցների կողմից տրամադրված վարկի/լիզինգի տոկոսադրույքի սուբսիդավորմամբ։ Լիզինգի դեպքում սուբսիդավորման տոկոսադրույքը 8-10% է, իսկ վարկի դեպքում՝ 6-8%։

Պետական աջակցություն՝ տնտեսապես բարդ ապրանքներ արտադրող ընկերություններին

Ծրագիրը միտված է Հայաստանում տնտեսապես բարդ ապրանքների արտադրության հիմնման կամ ընդլայնման գործընթացի խթանմանը։ Այդ նպատակով աջակցություն է տրամադրվում առևտրային այն ընկերություններին, որոնց կողմից ներկայացված ներդրումային ծրագրում կատարվել է առնվազն 1 մլրդ ՀՀ դրամին համարժեք գումարի կապիտալ ներդրում։ Օժանդակությունը տրամադրվում է 3 փուլով, առավելագույն չափը կազմում է տնտեսվարողի կողմից կատարված կապիտալ ներդրումների արդյունքում ստեղծված ակտիվների իրական արժեքի  մինչև 35 %-ը։ 

Պետական աջակցության ծրագրերի համապարփակ ցանկն ուսումնասիրելու համար կարող եք ներբեռնել ստորև ներկայացված Ներդրումային ուղեցույցը