«Էնթերպրայզ Արմենիան» և «Բիզնես Ֆրանսը». ամրապնդելով համագործակցությունները
«Էնթերնփրայզ Արմենիա»-ն հյուրընկալել էր «Բիզնես Ֆրանսիա»-ի պատվիրակությանը՝ Հայաստան-Ֆրանսիա տնտեսական և ներդրումային համագործակցության ընդլայնմանն ուղղված ռազմավարական հանդիպման շրջանակում։
Հայաստանի Հանրապետությունում Ֆրանսիայի արտակարգ և լիազոր դեսպան պարոն Օլիվիե Դեկոտինիենի գլխավորությամբ հանդիպմանը ներկա էին «Բիզնես Ֆրանսիա»-ի տարածաշրջանային տնօրեն Իվան Բոկի-Վիրմանը և Հայաստանի ու Վրաստանի համար տնտեսական ծառայության ղեկավար Հյուգո Դեբրուազը։
«Էնթերնփրայզ Արմենիա»-ն ներկայացնում էին Գոհար Գալյանը՝ գործադիր տնօրենի պաշտոնակատար, Լիլիթ Հարոյանը՝ Ներդրումների խթանման և արտաքին կապերի վարչության ղեկավար, և Սոնա Միքայելյանը՝ նույն վարչության ավագ մասնագետ։
Հանդիպման կարևոր օրակարգային կետերից էր «Բիզնես Ֆրանսիա»-ի և «Էնթերնփրայզ Արմենիա»-ի միջև համագործակցության հուշագրի ստորագրման հարցը։ Կողմերը վերահաստատեցին գործընկերությունը պաշտոնապես ձևակերպելու իրենց պատրաստակամությունը՝ նշելով, որ հուշագիրը նախատեսվում է ստորագրել առաջիկա Հայաստան–Ֆրանսիա բարձրաստիճան միջկառավարական միջոցառման ընթացքում։
Քննարկվեց նաև երկու գործակալությունների միջև փորձի փոխանակման հանդիպում կազմակերպելու հնարավորությունը՝ նպատակ ունենալով զարգացնել ինստիտուցիոնալ համագործակցությունն ու ներդրումների խթանման լավագույն փորձի փոխանակումը։
«Էնթերնփրայզ Արմենիա»-ն ներկայացրեց Հայաստանի Ներդրումային քաղաքականության հայտարարությունը՝ առանձնացնելով երկրի առաջնային ոլորտներն ու նպատակային երկրները օտարերկրյա ներդրումների համար, որի շրջանակում Ֆրանսիան դիտարկվում է որպես հիմնական գործընկեր։
Բացի այդ, հանդիպման ընթացքում քննարկվեց ֆրանսիական բիզնես պատվիրակության այցի հնարավոր կազմակերպումը Հայաստան 2025 թվականին։ «Էնթերնփրայզ Արմենիա»-ն իր լիարժեք պատրաստակամությունն արտահայտեց աջակցելու նախաձեռնությանը՝ կազմակերպելով այցեր առաջատար հայկական ընկերություններ և ապահովելով B2B համագործակցության հարթակ։
