«ԱԼՅԱՆՍ» ազատ տնտեսական գոտի

Հայաստանի Հանրապետության կառավարության 2013 թվականի հուլիսի 18-ի թիվ N785-Ա որոշմամբ «ՌԱՕ ՄԱՐՍ» ՓԲԸ և «ԵրՄՄԳՀԻ» ՓԲԸ տարածքներում ստեղծվել է «Ալյանս» ազատ տնտեսական գոտին։ Վերոնշյալ ազատ տնտեսական գոտու կազմակերպիչ է ճանաչվել «ՍԻՏՐՈՆԻԿՍ ԱՐՄԵՆԻԱ» ՓԲԸ: «Ալյանս» ազատ տնտեսական գոտու մեկնարկը տրվել է 2013 թվականի օգոստոսի 1-ին։

«Ալյանս» ազատ տնտեսական գոտին ունի բարձր և նորարական տեխնոլոգիաների արտադրության և արտահանման ուղղվածություն` էլեկտրոնիկայի, ճշգրիտ ինժեներիայի, դեղագործության և բիոտեխնոլոգիայի, տեղեկատվական տեխնոլոգիաների, այլընտրանքային էներգետիկայի, արտադրական դիզայնի և հեռահաղորդակցության (տվյալների/ինֆորմացիայի փոխանցման համար տեխնոլոգիական սարքավորումների, համակարգերի և նյութերի նախագծում և արտադրություն) և Հայաստանի Հանրապետության տարածքում չարտադրվող ապրանքատեսակների արտադրության ոլորտներում:

2013 թվականի օգոստոսի 14-ին ՀՀ կառավարությունը` ի դեմս ՀՀ էկոնոմիկայի նախարարության (ներկայիս՝ ՀՀ տնտեսական զարգացման և ներդրումների նախարարություն), և «ՍԻՏՐՈՆԻԿՍ ԱՐՄԵՆԻԱ» ՓԲԸ-ն կնքեցին պայմանագիր «ՌԱՕ ՄԱՐՍ» ՓԲԸ և «ԵրՄՄԳՀԻ» ՓԲԸ տարածքներում ստեղծված ազատ տնտեսական գոտու կազմակերպման մասին:

Ազատ տնտեսական գոտու գործունեության ժամկետը՝ 12 տարի:

«Մայլեռ Մաունթին Ռեզորթ» լեռնադահուկային համալիր

«Մայլեռ Մաունթին Ռեզորթ»-ը ներդրումային յուրահատուկ հնարավորություն է տալիս տեղական և միջազգային շահագրգիռ կողմերին՝ մասնակցելու Հայաստանի զբոսաշրջային ոլորտի վերափոխմանը։ 

Նախագծի մեկնարկային փուլը պահանջում է ավելի քան 70 միլիոն ԱՄՆ դոլարի ներդրումներ։ Ընդհանուր գնահատված բյուջեն կազմում է 250-300 միլիոն ԱՄՆ դոլար՝ հաջորդ տասնամյակում։ Հիմնական բաշխումները ներառում են ավելի քան €30 միլիոն՝ առաջատար ճոպանուղային համակարգերի կառուցման համար, իսկ մնացած մասն ուղղվելու է օժանդակ ենթակառուցվածքների, դահուկուղիների և հյուրերի համար նախատեսված հարմարությունների ստեղծմանը։

Գործարկումից հետո հանգստյան գոտին կսպասարկի մինչև 16,000 դահուկորդի` երեք անգամ գերազանցելով Հայաստանի ներկայիս զբոսաշրջային հոսքի ծավալը։

Ներդրումներ կատարելը «Մայլեռ Մաունթին Ռեզորթ»-ում տալիս է ուլային զարգացման մոդելի շնորհիվ։ Արագած լեռան հարևանությամբ տեղակայված հանգստյան գոտին՝ իր համաշխարհային մակարդակի ենթակառուցվածքներով և գրավչությամբ երաշխավորում է կայուն զբոսաշրջային հոսք՝ ամրապնդելով այն որպես առաջնակարգ ուղղություն։

Մայլեր ԱՏԳ-ում առաջարկվող զգալի հարկային արտոնությունները ներդրողներին տալիս են ռազմավարական առավելություն՝ միաժամանակ նպաստելով Հայաստանի վերածմանը լեռնային զբոսաշրջության համաշխարհային առաջատար կենտրոնի: 

ECOS 

«ECOS» ազատ տնտեսական գոտին նոր թվային հարթակ է, որի նպատակը թվային բիզնես միջավայրի զարգացումն է, ինչպես նաև նորարարական տեխնոլոգիական արտադրանքների և ծառայությունների ստեղծման խթանումը։

ECOS տվյալների կենտրոնը գտնվում է Հրազդանի ջերմաէլեկտրակայանի տարածքում։ Այս պահին այն ունի ավելի քան 20,000 սարքավորում և սպասարկում է 60 մեգավատ հզորությամբ էներգետիկ ենթակառուցվածք՝ ընդլայնման հնարավորությամբ մինչև 200 մեգավատ։ Հրազդանում տեղակայված լինելը մի շարք նշանակալի առավելություններ է ընձեռում՝ այդ թվում՝ էլեկտրաէներգիայի ուղղակի ստացում ջերմաէլեկտրակայանից, իդեալական կլիմայական պայմաններ և սեփական սպասարկման կենտրոնի առկայություն։ Սարքավորումների անվտանգությունն ապահովվում է շուրջօրյա զինված պահակախմբի կողմից, իսկ մասնագետների թիմը, որը աշխատում է 24/7 ռեժիմով, երաշխավորում է անխափան գործունեությունը։

Բացի սեփական հզորություններից, որոնք տրամադրում են ամպային մայնինգի և այլ ծառայություններ, ECOS տվյալների կենտրոնը հանդիսանում է հոսթինգի հարթակ խոշոր միջազգային մայներների համար։