Sevan Startup Summit 2025

Sevan Startup Summit 2025․ հարթակ նրանց համար, ովքեր փոխում են խաղի կանոնները

Հուլիսի վերջին Սևանի ափին արդեն յոթերորդ անգամ կանցկացվի Sevan Startup Summit 2025-ը՝ տարածաշրջանի առաջատար բացօթյա հարթակը՝ հագեցած նորարար գաղափարներով ու կենդանի շփումներով:

Սամիթի վրանային ձևաչափն այն վերածում է իրական ձեռնարկատիրական ճամբարի, որտեղ ստեղծվում են անկաշկանդ, անկեղծ կապեր, իսկ ներդրողները, ստարտափերը և տեխնոլոգիական համայնքի առաջնորդները զրուցում են ոչ թե դահլիճներում, այլ՝ կրակի շուրջ։

Սամիթի առանցքում է միկրոաքսելերացիայի ինտենսիվ ծրագիրը, որը հարթակ է տալիս վաղ փուլում գտնվող ստարտափներին՝ արագ աճելու, գտնելու գործընկերներ ու ներգրավելու ներդրումներ։

SSS25-ը ռազմավարական հարթակ է՝ ներդրումների ներգրավման, գործընկերությունների ստեղծման և տարածաշրջանային տեխնոլոգիական զարգացման համար։ Enterprise Armenia-ն հրավիրում է միանալ շարժմանը, որը խաղի կանոններ է փոխում: