Մեր ծառայությունները
Ընդհանուր բնութագիր
Մենք իրականացնում ենք
Ներդրումների ներգրավում
Ներդրումների խթանում
Հետներդրումային սպասարկման ծառայություն
Աջակցության շրջանակ
Ճանապարհային քարտեզ
Ընդհանուր բնութագիր
Եթե Դուք ցանկանում եք ներդրումներ կատարել Հայաստանի արագ զարգացոող տնտեսության մեջ կամ ընդլայնել արդեն իսկ գործող բիզնեսը, ապա մենք պատրաստ ենք տրամադրել Ձեզ համապարփակ աջակցություն: Ներդրումային ծրագրի իրականացման ամբողջ ընթացքում մեր թիմն իրեն հասանելի գործիքակազմով կուղղորդի Ձեզ և կապահովի Ձեր բիզնես նախաձեռնությունների հաջողությունը։
Ներդրումների ներգրավում
«Էնթերփրայզ Արմենիա»-ն առանցքային դեր է կատարում Հայաստանում ներդրումների խթանման հարցում՝ հենվելով երկրի տնտեսության զարգացող ճյուղերի վրա, որոնք ունեն ներդրումային մեծ հնարավորություններ և մրցակցային առավելություններ։ Մենք գործադրում ենք հնարավոր բոլոր ջանքերը․
01
դիրքավորելու Հայաստանը որպես ցանկալի ներդրումային ուղղություն՝ միջազգային գործարար շրջանակներին ներկայացնելով երկրում գործող ներդրումային միջավայրը և գործարարությամբ զբաղվելու առավելությունները,
02
բարձրացնելու Հայաստանում առկա ներդրումային և բիզնես հնարավորությունների մասին իրազեկվածությունը,
03
զարգացնելու և համակարգելու ինստիտուցիոնալ համագործակցությունը գործընկեր կազմակերպությունների և բիզնեսի աջակցման գրասենյակների հետ ամբողջ աշխարհում,
04
փոխակերպելու ռեակտիվ սպասարկման ծառայությունները պրոակտիվ ներգրավմամբ,
05
օտարերկրյա ներդրողներին տրամադրելու Հայաստանի ներդրումային օրենսդրության, գործող ընթացակարգերի պետական խթանների, համաֆինանսավորման աղբյուրների և գործընկերների վերաբերյալ ճշգրիտ խորհրդատվություն,
06
գործարկելու և ընդլայնելու «Էնթերփրայզ Արմենիա»-ի ներկայացուցիչների ցանցն արտերկրում, միավորելու հայկական սփյուռքի մասնագիտական ներուժն օտարերկրյա ներդրումներ ներգրավելու համար,
07
բարձրացնելու «Էնթերփրայզ Արմենիա»-ի և նրա դերի մասին իրազեկվածությունը։
Ներդրումների խթանում
«Էնթերփրայզ Արմենիա»-ն աջակցություն է տրամադրում ներդրողներին գաղափարի ձևավորման փուլից մինչև ծրագրի իրականացումը՝ ուղեկցելով նրանց ներդրումային ծրագրերը և նախաձեռնությունները «մեկ պատուհան» սկզբունքով: Ներդրումային ծրագրերի ուղեկցման ծառայության նպատակն է՝ պարզեցնել ներդրումային գործընթացները, նվազագույնի հասցնել բյուրոկրատական խոչընդոտները, պաշտպանել ներդրողների շահերը, ապահովել ծրագրի հաջող իրականացումը և բարձրացնել ներդրողների գոհունակությունը: Այս ծառայության շահառու են օտարերկրյա և տեղական ներդրումային ծրագրերը:
ՆԵՐԴՐՈՒՄԱՅԻՆ ՆԱԽԱԳԾԵՐԻ ՈՒՂԵԿՑՈՒՄ.
01
Ներդրումային ծրագրերի սահուն մեկնարկ
Թեժ գծի, էլեկտրոնային փոստի կամ գործնական հանդիպումների միջոցով համապարփակ խորհրդատվությունների տրամադրում ներդրումային հնարավորությունների, իրավական դաշտի, ֆինանսական աջակցության ծրագրերի, պետության կողմից տրամադրվող խթանների վերաբերյալ:
02
Ներդրումային ծրագրերի իրականացմանը խոչընդոտող խնդիրների բացահայտում
Ներդրումային ծրագրերի իրականացման ընթացքում առաջացած խնդիրների վերհանում և դրանց արագ կարգավորում, խոչընդոտների հաղթահարման ճանապարհային քարտեզի մշակում։
03
Պետության և մասնավոր հատվածի միջև հաղորդակցության ապահովում
Պետական համապատասխան մարմինների հետ կապի հաստատում, շահառուների միջև քննարկումների կազմակերպում և խնդիրների հնարավոր լուծումների առաջարկում և իրականացում։
Հետներդրումային սպասարկման ծառայություն
Հաշվի առնելով Հայաստանում օտարերկրյա ներդրումների նշանակությունը և դրանց սահուն իրացման կարևորությունը՝ «Էնթերփրայզ Արմենիա»-ն գործարկել է «Հետներդրումային աջակցության» համապարփակ ծառայությունը, որը նպատակ ունի խթանել ամուր կապերն օտարերկրյա ներդրողների համայնքի հետ և վերացնել ներդրումային ծրագրերի իրականացման ընթացքում առաջացող ցանկացած դժվարություն:
«Հետներդրումային աջակցության» ծառայությունը կենտրոնանում է երեք հիմնական նպատակների վրա.
Խնդիրների լուծում. բացահայտել և վերլուծել այն խնդիրները, որոնց կարող են բախվել ներդրողները, մշակել և գործարկել խոչընդոտների հաղթահարման ճանապարհային քարտեզ և դրա հիման վրա պատասխանատու գերատեսչություններին ներկայացնել առաջարկներ
Գոհունակության բարձրացում. հետներդրումային փուլում արագ արձագանքի ապահովում և ներդրողների նախագծերի ուղեկցում
Աջակցություն․ աջակցություն օտարերկրյա կապիտալով գործող ներդրումային ծրագրերին և վերաներդրումների իրականացման համար նախադրյալների ապահովում
Աջակցության շրջանակ
«Էնթերփրայզ Արմենիա»-ի հետներդրումային սպասարկման թիմը տրամադրում է հետևյալ ծառայությունները․
Ամենօրյա աջակցություն օտարերկրյա կապիտալով գործող ներդրումային ծրագրերին
Նոր ներդրումների և վերաներդրումների համար նախադրյալների ապահովում
Մշտական հաղորդակցության և արագ արձագանքի ապահովում
Ներդրողների կողմից ստացված հետադարձ կապի տրամադրում կառավարությանը
Շահառուների ակտիվ ներգրավվածության ապահովում
Գործարար և ներդրումային միջավայրերի հետագա բարելավմանն ուղղված քաղաքականության առաջմղում
Համակարգային խնդիրների բացահայտում, ամփոփում, այդ խնդիրների լուծման ճանապարհային քարտեզների մշակում և գործարկում
Ճանապարհային քարտեզ
Բացահայտեք Հայաստանում ներդրումային հնարավորությունները վստահելի գործընկերոջ աջակցությամբ: