Հարկային համակարգ
Հայաստանի Հանրապետությունն ունի բարենպաստ, թափանցիկ և համեմատաբար ցածր դրույքաչափերով առանձնացող հարկային համակարգ, և հարկերի մեծ մասը վճարվում է ուղիղ պետական բյուջե։
Ավելացված արժեքի հարկ (ԱԱՀ)
20%
Ավելացված արժեքի հարկը (ԱԱՀ-ն) ԱԱՀ-ով հարկման օբյեկտ համարվող գործարքների և (կամ) գործառնությունների իրականացման համար օրենսգրքով սահմանված կարգով, չափով և ժամկետներում պետական բյուջե վճարվող պետական հարկ է:
ԱԱՀ-ով հարկման օբյեկտ է համարվում.
- ապրանքների մատակարարումը,
- աշխատանքների կատարումը,
- ծառայությունների մատուցումը,
- ապրանքների ներմուծումը:
Եկամտահարկ
20%
Եկամտային հարկ վճարողներ են համարվում ՀՀ ռեզիդենտ և ոչ ռեզիդենտ ֆիզիկական անձինք, որոնք հարկային տարում Հայաստանի Հանրապետությունում փաստացի գտնվել են 183 և ավելի օր կամ որոնց կենսական շահերի կենտրոնը գտնվում է Հայաստանի Հանրապետությունում:
Եկամտային հարկով հարկման օբյեկտ է համարվում՝
ռեզիդենտ ֆիզիկական անձանց համար՝ ՀՀ աղբյուրներից և (կամ) ՀՀ-ից դուրս գտնվող աղբյուրներից ստացվող համախառն եկամուտը, իսկ ոչ ռեզիդենտ ֆիզիկական անձանց համար՝ ՀՀ աղբյուրներից ստացվող համախառն եկամուտը:
Շահութահարկ
18%
Շահութահարկ վճարողներ են համարվում ռեզիդենտ և ոչ ռեզիդենտ ֆիզիկական անձինք:
Շահութահարկով հարկման օբյեկտ է համարվում՝
ռեզիդենտ կազմակերպությունների և անհատ ձեռնարկատերերի համար՝ ՀՀ աղբյուրներից և (կամ) ՀՀ-ից դուրս գտնվող աղբյուրներից ստացվող համախառն եկամուտը: Ռեզիդենտ շահութահարկ վճարողների և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողների համար՝ համախառն եկամտի և նվազեցումների դրական տարբերությունը։
Շրջանառության հարկ
1.5-25%
Ռեզիդենտ առևտրային կազմակերպությունների համար շրջանառության հարկը փոխարինում է ԱԱՀ-ին և (կամ) շահութահարկին, իսկ անհատ ձեռնարկատերերի համար՝ ԱԱՀ-ին:
Շրջանառության հարկը կիրառվում է
այն հարկ վճարողների համար, որոնց նախորդ տարվա եկամուտները ապրանքների վաճառքից և ծառայությունների մատուցումից չեն գերազանցում 115 մլն դրամը (մոտ 280 000 ԱՄՆ դոլար): Վիճակախաղի գործունեությունը հարկվում է եկամտի 25%-ր չափով:
Շահաբաժինների հարկ
5%
Հայաստանում ստացված շահաբաժինները հարկվում են 5% դրույքաչափով, եթե դրույքաչափը չի նվազեցվում հարկային պայմանագրով։
Շահաբաժինների հարկով հարկման օբյեկտ է համարվում՝
ռեզիդենտ և ոչ ռեզիդենտ ֆիզիկական անձանց դրամական ցանկացած բաժինները, բոնուսային բաժնետոմսերը կամ շահույթի բաշխման այլ ձևերը։ Շահութաբաժինների հարկից եկամտահարկը վերադարձվում է, եթե շահաբաժինները վերաներդրվում են նույն ռեզիդենտ ընկերությունում՝ շահույթի ստացման նույն հարկային տարում:
Անշարժ գույքի հարկ
0.05-1.5%
Անշարժ գույքի հարկը գոյանում է անշարժ գույքի, այդ թվում՝ հողի և շինությունների սեփականությունից կամ տիրապետման այլ ձևերից։ Այն հաշվարկվում է գույքի գնահատված արժեքի հիման վրա։
Անշարժ գույքի հարկվող օբյեկտ են հանդիսանում՝
գույքի սեփականատերը կամ տնօրինող ֆիզիկական անձինք ու կազմակերպությունները։ Գյուղատնտեսական նշանակության հողերի գույքահարկի դրույքաչափը 15% է:
Ակցիզային հարկ
Ակցիզային հարկը պետական բյուջե է վճարվում ակցիզային հարկով հարկվող ապրանքների ներմուծման և ՀՀ տարածքում արտադրված այդ ապրանքների իրացման համար: Ակցիզային հարկը վճարվում է ալկոհոլ պարունակող խմիչքների, ծխախոտի և նավթամթերքի համար:
Բացահայտեք Հայաստանում ներդրումային հնարավորությունները վստահելի գործընկերոջ աջակցությամբ: