Զբոսաշրջություն

Զբոսաշրջություն

Ընդհանուր բնութագիր

Ներդրումային նախադրյալներ

Խոստումնալից ոլորտներ

Զբոսաշրջային գրավչություն

Հայաստանի զբոսաշրջային ներհոսքը

Այցելող զբոսաշրջիկների աշխարհագրությունը 2022 թ․

Հրապարակումներ

Ընդհանուր բնութագիր

Հայաստանն ուշագրավ մշակութային ժառանգությամբ և բազմադարյա պատմությամբ հարավկովկասյան պետություն է: Երկիրը գրավում է զբոսաշրջիկներին իր հնագույն վանքերով, անզուգական բնությամբ, յուրահատուկ խոհանոցով և հազարամյա գինեգործական ավանդույթներով։ Հայաստանի զբոսաշրջության ոլորտը տարեցտարի հետևողական աճ է գրանցում, և աշխարհի տարբեր անկյուններից ավելի ու ավելի շատ այցելուներ են գալիս այստեղ՝ ծանոթանալու երկրի յուրահատուկ մշակույթին, հարուստ պատմությանը և վայելելու տեղացիների ջերմ հյուրընկալությունը:

25000

Պատմական հուշարձաններ, որոնց մի մասը ներառված է ՅՈՒՆԵՍԿՕ-ի համաշխարհային ժառանգության մեջ

13%

Ներգնա զբոսաշրջիկների թվի միջին տարեկան աճ

7-րդ ամենաանվտանգ երկիրը համաձայն NUMBEO 2023 վարկանիշի

70+

Առանց վիզայի ռեժիմ 70+ երկրների քաղաքացիների համար և հեշտ էլեկտրոնային վիզաների կարգավորումներ շուրջ 70 երկրների համար

Ներդրումային նախադրյալներ

Կայուն աճ

Հայաստանի զբոսաշրջության ոլորտը վերջին տարիներին կայուն զարգացում է գրանցել՝ ունենալով տարեկան միջինում 13% զբոսաշրջիկների թվի աճ։

Հարուստ պատմամշակութային ժառանգություն

Հայաստանի հազարամյա պատմությունն ու մշակութային ժառանգությունն անտարբեր չեն թողնում զբոսաշրջիկներին, որոնք ցանկանում են տեսնել առաջին քրիստոնյա ազգի հնագույն վանքերն ու մշակութային կոթողները։

Ջերմ հյուրընկալություն

Հայերը հայտնի են իրենց ջերմ հյուրընկալությամբ և այցելուների հանդեպ բարեհամբույր վերաբերմունքով, ինչը նպաստում է զբոսաշրջիկների մոտ դրական փորձառնության ձևավորմանը և ոլորտի հետագա զարգացմանը:

Բնություն

Հայաստանի բազմազան և չքնաղ բնապատկերներն առաջարկում են արշավների, դահուկային սպորտի, առողջարանների, էքստրեմալ սպորտի և էկոտուրիզմի մեծ հնարավորություններ՝ գրավելով ակտիվ հանգստի սիրահարներին: