Առաքելություն և տեսլական

Եթե հետաքրքրված եք Հայաստանում առկա ներդրումային հնարավորություններով, ապա «Էնթերփրայզ Արմենիան» պատրաստ է լինել ձեր վստահելի գործընկերը ներդրումային ամբողջ գործընթացում։

Մեր առաքելությունն է օտարերկրյա և տեղացի ներդրողների համար ապահովել գործարարությամբ զբաղվելու բարենպաստ միջավայր՝ դիրքավորելով Հայաստանը որպես ցանկալի ներդրումային ուղղություն համաշխարհային հարթակում: Մեր նպատակն է ներգրավել օտարերկրյա նոր ուղղակի ներդրումներ և խթանել վերաներդրումները՝ ապահովելով Հայաստանի կայուն տնտեսական աճն ու բարգավաճումը: Մենք ցանկանում ենք կառուցել ապագա, որտեղ Հայաստանը թե՛ տեղացի ձեռներեցների, թե՛ համաշխարհային մագնատների շրջանում կճանաչվի որպես առաջատար բիզնես ուղղություն՝ հայտնի իր դինամիկ զարգացող տնտեսությամբ և ներդրումների բարձր շահութաբերությամբ: