Ժամանակակից աշխարհում, որտեղ երկրները մրցակցում են գլոբալ ներդրումների համար, Հայաստանն ամրապնդում է իր դիրքերը՝ դառնալով գործարարության և ներդրումների նախընտրելի ուղղություն, մասնավորապես տեղեկատվական և հաղորդակցական տեխնոլոգիաների (ՏՀՏ) ոլորտում։

«ServiceTitan»-ը՝ հայկական ծագմամբ գլոբալ նորարարության վկայություն

«ServiceTitan» ընկերությունը վերջերս ներկայացրել է Nasdaq արժեթղթերի բորսայի IPO-ում (բաժնետոմսերի հանրային տեղաբաշխում) «TTAN» նշանով ցուցակագրվելու հայտ։ Համաշխարհային նշանակության այս իրադարձությունը պարզապես կորպորատիվ հաղթանակ չէ հայկական ծագմամբ տեխնոլոգիական ընկերության համար։ Այն ընդգծում է Հայաստանի ՏՀՏ ոլորտի փոխակերպող ներուժը։

Հայաստանի ՏՀՏ ոլորտը՝ գլոբալ աճի հիմք

Հայաստանի ՏՀՏ ոլորտը, «ServiceTitan»-ի ի IPO-ի պատմության օրինակով, վերահաստատում է իր հեղինակությունը՝ ներդրողներին առաջարկելով բացառիկ հնարավորություններ: Եվ սա շնորհիվ՝

• նորարար բարձր և որակավորում ունեցող աշխատուժի, որն առաջնորդում է ինչպես տեղական, այնպես էլ գլոբալ տեխնոլոգիական միտքը,
• նորարարական էկոհամակարգի, որը ստեղծում է գործակցային միջավայր՝ գաղափարները վերածելով հեղափոխական լուծումների,
• ռազմավարական դիրքի, որը ներդրողներին առաջարկում է հասանելիություն Եվրոպայի և Ասիայի թիրախային շուկաներին։

Հայաստանի ՏՀՏ էկոհամակարգի ձեռքբերումները՝ թվերով

ՏՀՏ էկոհամակարգի բացառիկ աճը դարձել է Հայաստանի տնտեսական վերափոխման հիմնաքարը։ Այս մասին վկայում են այնպիսի ցուցանիշներ, ինչպիսիք են՝

• 54.8% տարեկան աճի տեմպը, որը վկայում է ոլորտի կայուն ընդլայնումը,
• 1 միլիարդ ԱՄՆ դոլարի արտադրանքը, որն ընդգծում է ոլորտի նշանակալի ներդրումը տնտեսության մեջ,
• 200 հետազոտական և զարգացման կենտրոնները, որոնք խթանում են նորարարությունն ու գլոբալ համագործակցությունը,
• 7,825 գրանցված իրավաբանական անձինք, ինչը վկայում է կառավարության հանձնառության մասին,
• 41,386 աշխատակիցները, ինչը ցույց է տալիս որակավորված կադրային բազան։

Հայաստանի ՏՀՏ ոլորտը հանդես է գալիս որպես հնարավորությունների միջավայր` ներգրավելով օտարերկրյա ներդրողներին մի երկրում, որտեղ միաձուլվում են տաղանդը, դինամիկ էկոհամակարգը և ռազմավարական դիրքը: Իր փոխակերպող ներուժով և նորարարության հանդեպ հանձնառությամբ Հայաստանը ոչ միայն մասնակցում է գլոբալ տեխնոլոգիական հեղափոխությանը, այլև առաջնորդում այն։