Հայաստանը խթանում է օտարերկրյա ուղիղ ներդրումները կայուն զբոսաշրջության ոլորտում
«Էնթերփրայզ Արմենիա»-ի գլխավոր գործադիր տնօրեն Գոհար Աբաջյանն ու ՀՀ էկոնոմիկայի փոխնախարար Անուշիկ Ավետյանը hանդիպում են ունեցել Միավորված ազգերի կազմակերպության զբոսաշրջության համաշխարհային կազմակերպության գլխավոր քարտուղար Շեյխա Նասեր Ալ-Նուեյսի և Հայաստանում Արաբական Միացյալ Էմիրությունների դեսպան Նարիման Մոհամմադ Շարիֆ Ալ-Մուլլայի հետ:
Քննարկումների ընթացքում ընդգծվել է Հայաստանի աճող դերը համաշխարհային զբոսաշրջային քարտեզում։ Ուշադրություն է դարձվել միջազգային համագործակցության ընդլայնմանը, ներդրումների ներգրավմանը և զբոսաշրջության դերին՝ որպես Հայաստանի տնտեսության կայուն զարգացման շարժիչ ուժ։
Զրույցի առանցքում եղել է ընդհանուր պատրաստակամությունը՝ բարձրացնելու Հայաստանի գրավչությունը որպես զբոսաշրջային ուղղություն՝ նորարարական մոտեցումների, թվային լուծումների և «խելացի» զբոսաշրջության գործիքների ներդրմամբ։ «Էնթերփրայզ Արմենիա»-ն և ՄԱԿ-ի ԶԿՀ-ն քննարկել են նաև համագործակցության ուղիներ, որոնք հնարավորություն կտան ներգրավել նոր ներդրումներ Հայաստանի զբոսաշրջության ոլորտում` ապահովելով ներառական, կայուն և միջազգայնորեն երաշխավորված զարգացում։
«Էնթերփրայզ Արմենիա»-ն վերահաստատում է իր հանձնառությունը՝ խթանելու ներդրումները զբոսաշրջության ոլորտում, զարգացնելու նորարար գործընկերությունները և ամրապնդելու Հայաստանի դերը որպես գրավիչ ներդրումային ուղղություն զբոսաշրջութփյան ոլորտում:
