Կայունություն ու տեսլական. ձեր հաջորդ ներդրումային ուղղությունը՝ Հայաստան
Հարցրեք ցանկացած ներդրողի, թե ինչն է այսօր ամենակարևորը բիզնես միջավայրում և կստանաք հստակ պատասխան՝ կայունություն։ Հայաստանում կայունությունն արդեն դարձել է տեխնոլոգիական ոլորտի այցեքարտը։
Հայաստանը ներդրումային ուղղություն է, որը համաշխարհային անկայունության պայմաններում ոչ միայն կանգուն մնաց, այլ նաև աճ գրանցեց։ 2024-ին Հայաստանի բարձր տեխնոլոգիաների ոլորտի շրջանառությունը կազմել է շուրջ 2.3 միլիարդ ԱՄՆ դոլար և կազմել է երկրի ՀՆԱ-ի մոտ 7%-ը։ Սա միայն թիվ չէ։ Սա ապացույց է, որ այստեղ տեխնոլոգիաները զարգանում են ոչ թե ի հեճուկս բարդ պայմանների, այլ նաև դրանց շնորհիվ։
Ի՞նչն է Հայաստանին դարձնում դիմակայուն տեխնոհաբ
Սկսենք նախապատմությունից: Հայաստանը տեխնոլոգիաների հետ կապ ունի շատ ավելի երկար, քան կարող եք պատկերացնել։ Ինժեներական արմատները գալիս են դեռևս խորհրդային շրջանից, երբ երկիրը հայտնի էր իր ռադիոէլեկտրոնիկայով։ Ժամանակակից սերունդն այդ ժառանգությունն այսօր համադրում է ձեռնարկատիրական մտքի, ստեղծագործ մոտեցման և գլոբալ հավակնությունների հետ։ Բայց դա դեռ ամենը չէ։ Կարևոր է, որ Հայաստանն ունի ապագայի տեսլական` հիմնված պետական աջակցության վրա։
Օրենք, որին արժե ուշադրության արժանացնել
2025 թվականի հունվարից ուժի մեջ մտած «Բարձր տեխնոլոգիաների ոլորտի պետական աջակցության մասին» օրենքը հստակ ցույց է տալիս, որ կառավարությունը մտածում է երկարաժամկետ լուծումների մասին։ Ուշադրություն դարձրեք՝ աջակցությունը նախատեսված է մինչև 2032 թվականը։ Այսինքն՝ սա ժամանակավոր խթան չէ, այլ հստակ կառուցված խաղի կանոններ, որոնք օգնում են բիզնեսին պլանավորել, աճել, ընդլայնվել:
Օրենքով նախատեսված հիմնական աջակցությունը, որ ստանում են ոլորտի ընկերությունները՝
- Նոր աշխատողներ ներգրավելու դեպքում՝ մինչև 60% եկամտային հարկի փոխհատուցում
- Միգրանտ մասնագետներ ներգրավելու դեպքում՝ ևս 60% փոխհատուցում (մինչև 2025թ․ վերջ)
- Վերապատրաստում անցած աշխատողների համար՝ մինչև 50% եկամտային հարկի փոխհատուցում
- Շրջանառության հարկի նվազեցում՝ 5%-ից 1%
- Հետազոտությունների և զարգացման ոլորտում ներգրավված մասնագիտական աշխատողների եկամտային հարկի նվազեցում 20%-ից 10%
Թվերը գուցե մի փոքր տեխնիկական են, բայց գաղափարն է կարևոր. եթե դուք Հայաստանի տեխնոլոգիական էկոհամարագում եք, երկիրն անում է ամեն ինչ, որ դուք ոչ միայն աճեք, այլև ընդլայնվեք։
Ի՞նչ ունենք այսօր․ զարգացող հարթակ՝ մեծ քայլերի համար
Հայաստանում այսօր ինտերնետային ծածկույթը հասել է 97%-ի։ Տեխնոլոգիական ընկերությունների մոտ 79%-ը արդեն դուրս են եկել միջազգային շուկաներ։Ու սա դեռ սկիզբն է։
Երբ մտածում ենք «ներդրումային ուղղություն» հասկացության մասին, հաճախ պատկերացնում ենք մեծ ու հագեցած շուկաներ։ Բայց իրական զարգացումները հաճախ լինում են այն տեղերում, որտեղ կառուցելու շատ բան կա:
Հայաստանը հենց այդպիսին է` փոքր, ճկուն և հեռանկարային։
