Ս․թ․ օգոստոսի 2-5-ը «Էնթերփրայզ Արմենիա» հիմնադրամի Ներդրումների խթանման և արտաքին կապերի մենեջեր Տաթևիկ Ներսիսյանը մասնակցել է Ուզբեկստանի Հանրապետության Տաշքենդ քաղաքում անցկացվող ուզբեկա-հայկական գործարար համաժողովին, որը գումարվել էր հայ-ուզբեկական միջկառավարական հանձնաժողովի անդրանիկ նիստի շրջանակներում։ Միջոցառումը կազմակերպվել էր Ուզբեկստանի Հանրապետության ներդրումների, արդյունաբերության և առևտրի նախարարության կողմից` ՀՀ էկոնոմիկայի նախարար Վահան Քերոբյանի պաշտոնական այցի շրջանակներում:

Համաժողովի ընթացքում «էնթերփրայզ Արմենիա»-ի ներկայացուցիչը հանդես է եկել Հայաստանի ներդրումային շնորհանդեսով, ինչպես նաև մասնակցել է երկուստեք գործարար հանդիպումներին՝ միջոցառման մասնակիցներին ներկայացնելով Հայաստանում գործարարությամբ զբաղվելու առավելություններն ու երկրի ներդրումային հնարավորությունները։